Muséu Nacional del Prado Premiu Princesa d' Asturies de Comunicación y Humanidaes 2019

Muséu Nacional del Prado Premiu Princesa d' Asturies de Comunicación y Humanidaes 2019

Aconceyáu n'Uviéu'l xuráu del Premiu Princesa d'Asturies de Comunicación y Humanidaes 2019, integráu por Luis María Anson Oliart, Alberto Edgardo Barbieri, César Bona García, Irene Cano Piquero, Alberto Corazón Climent, Aurora Egido Martínez, Taciana Fisac Badell, Elsa González Díaz de Ponga, Santiago González Suárez, Alan Goodman, Álex Grijelmo García, Miguel Ángel Liso Tejada y Rosa María Mateo Isasi, presidíu por Víctor García de la Concha, y faciendo de secretariu Óscar Loureda, alcuerda conceder el Premiu Princesa d'Asturies de Comunicación y Humanidaes 2019 al Muséu Nacional del Prado, símbolu del nuesu heriedu cultural común, como reconocencia al llabor de caltenimientu y divulgación d'unu de los más ricos patrimonios artísticos del mundu.

Convertíu na institución cultural más importante d'España y n'una de les pinacoteques más destacaes del mundu, el Muséu Nacional del Prado tien una colección de 8000 pintures, de les que 1700 tán espuestes nel edificiu Villanueva y más de 3200 distribúyense ente 255 instituciones culturales de toa España. Les sos sales, poles que pasen añalmente casi trés millones de visitantes -más de la metá estranxeros-, sirvieron d'inspiración a dalgunos de los pintores más significativos de los postreros 150 años, como Fortuny, Sorolla, Picasso, Monet, Renoir, Durant o Chase.