Martin Scorsese Premiu Princesa d' Asturies de les Artes 2018

El Xuráu del Premiu Princesa d'Asturies de les Artes 2018, integráu por Bárbara Allende Gil de Biedma, Juan Manuel Bonet Planes, María de Corral López-Dóriga, Carlos Fitz-James Stuart y Martínez de Irujo, Duque d'Alba, Sergio Gutiérrez Sánchez, Joan Matabosch Grifoll, Alfredo Pérez de Armiñán y de la Serna, Sandra Rotondo Urcola, Emilio Sagi Álvarez-Rayón, Aitana Sánchez-Gijón de Angelis, Patricia Urquiola Hidalgo, Aarón Zapico Braña y Miguel Zugaza Miranda, presidíu por José Lladó Fernández-Urrutia y actuando de secretariu José Antonio Caicoya Cores, alcordó conceder el Premiu Princesa d'Asturies de les Artes 2018 al cineasta estadounidense Martin Scorsese.
El xuráu reconoz, primero de too, la trescendencia del llabor creador de Martin Scorsese. Trátase, n'efectu, d'un de los directores de cine más destacaos del movimientu de renovación cinematográfica surdíu nos años setenta del sieglu XX. Dirixió más d'una ventena de películes que yá formen parte de la hestoria del cine y caltiense anguaño en plena actividá, xuniendo na so obra  maestría, innovación y clasicismu.
Desenvuelve, coles mesmes, una intensa y amplia xera de recuperación, restauración y espardimientu del patrimoniu cinematográficu hestóricu en tol mundu, al traviés de proyectos como The Filme Foundation y World Cinema Project.
Too ello conviértelu nuna figura indiscutible del cine contemporaneu.