Marina Abramović, Premiu Princesa d' Asturies de les Artes

L'artista de performance Marina Abramović foi galardonada col Premiu Princesa d'Asturies de les Artes 2021.

Marina Abramović nació en Belgrado (Serbia, entós Yugoslavia) el 30 de payares de 1946. Estudió na Academia de Belles Artes de Belgrado (1965-1970) y completó los sos estudios de posgráu na Academia de Belles Artes de Zagreb (Croacia, 1972). Ente 1973 y 1975 enseñó na Academia de Belles Artes de Novi Sad. En 1976 abandonó Yugoslavia ya instalóse en Ámsterdam. Nesta ciudá conoció al artista xermanu-occidental de performance Uwe Laysiepen, Ulay, col qu'empezó a collaborar investigando los conceutos d'ego ya identidá artística, les tradiciones de los sos respectivos patrimonios culturales y el deséu del individuu polos ritos. Vistíense y portábense como ximielgos y crearon una relación de completu enfotu. En 1988 decidieron facer un viaxe espiritual, The Great Wall Walk, col que concluyiría la so relación: dambos caminaríen pola Gran Muralla china, empezando cada unu pel estremu opuestu y atopándose nel centru pa dase un últimu abrazu.
Según la crítica, el trabayu de Abramović esquiza «les llendes del cuerpu y la mente» al traviés de performances ventureres y complexes nuna constante busca de llibertá individual. Empezó la so carrera como artista de performance nos años setenta. Dempués de les sos primeres actuaciones en solitariu, Ritmu 10 (1973), Ritmu 5 (1974), Ritmu 2 (1974) y Ritmu 0 (1974), y en conociendo a Ulay, escurrió con él una serie de trabayos nos que los sos cuerpos creaben espacios adicionales pa la interacción cola audiencia: Relation in Space, Relation in Movement y Death Self. En 1997 presentó la pieza Balkan Baroque na Bienal de Venecia, pola que recibió'l Llión d'Oru al meyor artista. En 2005 presentó nel Solomon R. Guggenheim Museum (Nueva York) Seven Easy Pieces: en siete nueches consecutives recreó los trabayos d'artistes pioneros de la performance nos años sesenta y setenta, amás de dos obres propies, Lips of Thomas y Entering the Other Side (1975 y 2005, respectivamente).

Calcando na imaxen tienes más información de l'artista y de los Premios Princesa.