Marc Soler de Movistar gana na segunda xornada de La Vuelta

L'equipu Movistar corría en casa y plantegó'l control de la carrera dende'l principu. Primero buscando abanicos y dempués controlando la xubida a San Miguel de Aralar. Nel descensu un sorprendente ataque de Marc Soler  animó'l caberu tramu de la prueba hasta que'l corredor catalán se llantó en solitariu na Llínia de Meta de Lekunberri.

El segundu puestu foi pal lder Primoz Roglic y terceru èntró Dan Martin. Corredores que na xeneral lideren la clasificación. Primoz Roglic sigue siendo'l líder y Dan Martin (Israel Start Up Nation), segundu a 9", tres adelantar a Richard Carapaz , terceru a 11".

Los 173 corredores que terminaron la primer etapa tomaron la salida a les 13:58h de Pamplona. 151 kilómetros per delantre hasta Lekunberri con 3 cotes nel perfil. La segunda etapa empezó realmente nerviosa, con dellos intentos d'escapada: Osorio (Burgos BH), Azmequeta (Caxa Rural) o Van der Berg (EF Pro Cycling) atacaron pero ensin gran ésitu.

Prodúxose un nuevu abandonu, el d' Axel Domont (AG2R La Mondiale), el cuartu de la carrera y el terceru para l'equipu francés. Tim Wellens (Lotto Soudal) foi'l que consiguió l'ataque definitivu, coronó Guirguillano (3ª Categoría) y llanzóse nel descensu. Nesi momentu, Alex Aranburu (Astana Pro Team), Bruno Armirail (Groupama-FDJ), Jonathan Hivert (Total Direct Energie) y Gonzalo Serrano (Caxa Rural) saltaron del pelotón y xuniéronse al belga en cabeza. Más de 40 kilómetros pa conformar la fuga.

Tola información de La Vuelta tiénesla calcando na imaxen d'arriba.