“Mapamundi ilustráu d'ayeri y güei”, de Ciuco Gutiérrez nel Niemeyer
El Centru Niemeyer va cuntar esti branu, al igual que l'anterior, con una nueva esposición fotográfica al aire llibre d'accesu gratuitu: Mapamundi ilustráu d'ayeri y güei, de Ciuco Gutiérrez, la so inauguración va tener llugar el miércoles 30 de xunu a les 19:00 cola presencia de la so comisaria, Rosa Olivares, y el so autor.
La esposición consta de 25 fotografíes de gran formatu que, distribuyíes por tol espaciu de la Plaza del centru cultural, van sosprender el paséu de los visitantes pol usu que Ciuco fai de colores fuertes, una cierta estética pop y la creación d'un mundu oníricu que conforma'l llinguaxe propiu tan característicu del autor.
Les sos obres tienen un componente narrativu y xueguen cola paradoxa y la metáfora ensin dexar indiferente a los espectadores. Nes fotografíes que se van mostrar na Plaza'l públicu va poder esfrutar de dalgunos de los sos trabayos más emblemáticos, más reconocíos, tanto de les sos primeres series como de los sos últimos proyectos. Una oportunidá pa esfrutar del so sentíu del humor y la so ironía.
