Maestres del humor: "Ente muyeres", de varies autores. Un llibru al llau.
28.02.2021
Esta selmana , coinciciendo cola selmana de la muyer presentamos n'Un llibru al llau 'l llibru Ente muyeres, Maestres del humor de varies autores .Cinco son les muyeres qu'apaecen nesti volume: Montserrat Garnacho, Nieves Areces, Pilar Cristina Menéndez, Cristina Muñiz Martín y Ramona Rodríguez Álvarez, "Moncha". Escriben con humor, fáennos rir y enséñennos el mundu con otra mirada, porque l'humor femenín tien tamién otru mirar.
La historia del humor n'asturianu, hasta esti llibru, paecía una
historia del humor escritu por homes. Ente docenes d'autores masculinos
qu'escribieron poemes satíricos, diálogos, relatos o monólogos a lo
llargo de los cinco sieglos que yá cumple la lliteratura asturiana
conocida, la excepción foi siempre la increíble y xenial Xosefa de
Xovellanos, qu'allá pel sieglu XVIII ganó fama merecida d'escritora
ilustrada, la primer muyer de nome conocíu que publica
n'Asturies. Asina, cabe facese una pregunta: ¿nun se ríen les
muyeres o namás se ríen de lo que cuenten los homes? Una lliteratura
marxinal y marxinada como foi l'asturiana, y qu'a dures penes foi a
difundise pelos calces normales de publicación, nun diba ser una
excepción a la escasa visibilización de la muyer que, como sabemos,
tovía na nuesa época tien que superar notables pilancos pa ocupar el
sitiu que-y correspuende.
Consigue un exemplar d' Ente muyeres, Maestres del humor participando nel sortéu d'Un llibru al llau unviando un corréu antes del vienres 5 de marzu a les 23:50 hores a: alllaudelllar@hotmail.com.
Collaboren : Academia de la Llingua Asturiana y Ayuntamientu de Samartín del Rei Aurelio.