L'Uviéu peslla en Tenerife la temporada

El Real Oviedo despídese esta tarde, a partir les 18:30 hores,  de la lliga nel estadiu Heliodoro Rodríguez López col equipu col que comparte posición na parte media de la clasificación.

Empatáu a 51 puntos col CD Tenerife xuégase la so posición na tabla nun alcuentru nel que los dos equipos podrán disfrutar del fútbol.

L'entrenador, José Ángel Ziganda, comunicó los xugadores convocaos pal últimu partíu de la temporada: Femenías, Alberto Horreo, Grippo, Arribas, Edgar, Carlos Hernández, Johannesson, Sangalli, Borja Sánchez, Juanjo Nieto, Jimmy, Viti, Bolaño, Blanco Leschuk, Mossa, Lucas, Borja Valle, Javi Cueto, Sandoval y Alex S.

L'alcuentru dirixirálu'l colexáu rioxanu Daniel Ocón Arraiz.