L'irlandés Dan Martin gana la tercera xornada de La Vuelta

L'irlandés Dan Martín algamó'l trunfu na tercer xornada de La Vuelta.Una perimportante victoria pal líder del Israel Start Up Nation que queda namás qu'a 5" de Primoz Roglic (Jumbo-Visma) que volvió ser segundu na etapa. Terceru, na etapa y la xeneral, foi Richard Carapaz (Ineos grenadiers).

Nesta ocasión fueron 169 corredores los que tomaron la salida en Lodosa, Navarra, con destín de La Llaguna Negra en Soria.

Una de les primeres noticies de la etapa foi  que Thibaut Pinot (Groupama FDJ) y Matej Mohoric (Bahrain McLaren) nun tomaben la salida. Xusto nel kilómetru 0 empezaron los ataques y cinco corredores consiguieron rápido formar la fuga del día: Mark Donovan (Team Sunweb), Tosh Van der Sande (Lotto Soudal), Niki Terpstra (Total Direct Energie), Aritz Bagues (Caxa Rural - Seguros RGA) y Williem Smit (Burgos BH). Nel kilómetru 6 yá teníen 1:38" de ventaya y por detrás, naide paecía esmolecese, rodaben per debaxo del tiempu previstu pola organización. Y eso llevó la ventaya de los fugaos hasta los 4 minutos y mediu.

Los fugaos obligaron al pelotón a siguir con un fuerte ritmu, dándo-yos caza a falta de, solamente, 8 kilómetros pal final, cuando ya entamaba La Llaguna Negra.

Más información de la etapa y La Vuelta tiénesla calcando na imaxen.