Lindsey Vonn Premiu Princesa d' Asturies de los Deportes 2019

Aconceyáu n'Uviéu'l xuráu del Premiu Princesa d' Asturies de los Deportes 2019, formáu por Alejandro Blanco Bravo, Vicente del Bosque González, Miguel Carballeda Piñeiro, María Paz Corominas i Guerin, Alex Corretja Verdegay, Joaquín Folch-Rusiñol Corachán, Ernest Folch i Folch, Juan Ignacio Gallardo Tomé, Joan Llaneras Roselló, Sylvana Mestre Alexandre, Luis Nieto Tortuero, Santiago Nolla Zayas, Edurne Pasabán Lizarribar, Paloma del Río Cañadas, Sitapha Savané Sagna, Alberto Suárez Laso, presidíu por Abel Antón Rodrigo y faciendo de secretaria Patricia García Rodríguez, decide conceder el Premiu Princesa d' Asturies de los Deportes 2019 a la esquiadora estadounidense Lindsey Vonn.

A lo llargo de la so carrera, destacó pola so pola so estraordinaria aportación al mundu del deporte, al ser la muyer con más victories na historia de la Copa del Mundu d' esquí alpinu, además d' una escelente trayeutoria nos Mundiales y nos Xuegos Olímpicos, así como pola so capacidá de superación ante la adversidá y por ser exemplu de deportividá.

Lindsey Vonn también destaca pol so compromisu coles xeneraciones futures al sofitar una fundación que lleva'l so nome en favor del apoyu y orientación de les muyeres xóvenes al traviés de la transmisión de valores educativos, deportivos y de desendolque personal.