L'Auditoriu del Centru Niemeyer tresfórmase en cine

Torna la programación cinematográfica del Centru Niemeyer con nuevu allugamientu, nueves midíes de seguridá y 14 nueves películes.

Por cuenta de la crisis sanitaria, les proyecciones van tener llugar nel Auditoriu y van abandonar, de momentu, la sala Cine.

Los espectadores, que ya pueden mercar les sos localidaes , van cuntar con un espaciu adecuáu a la nueva realidá nel que van poder caltener en tou momentu la distancia de seguridá. L'usu de la mascarilla va ser obligatorio y, en dellos allugamientos ,van ponese a disposición de los usuarios xeles hidroalcohólicos pa caltener l'adecuada hixene.

La programación compónse de los siguientes llargumetraxes :

4 d'ochobre. "El gloriosu caos de la vida" (Australia, 2019), dirixíu por Shannon Murphy.

8 d'ochobre. "Under the skin" (Reinu Uníu, 2013), dirixíu por Jonathan Glazer.

11 d'ochobre . "Papicha" (Arxelia, 2019), dirixíu por Mounia Meddour.

15 d'ochobre . "Matthias & Maxime" (Canadá, 2019), con dirección y guión de Xavier Dolan.

22 d'ochobre . "Les neñes" (España, 2020), con dirección y guión de Pilar Palomero.

29 d'ochobre . "Dios ye muyer y llámase Petrunya" (Macedonia, 2019), dirixíu por Teona Strugar Mitevska.

5 de payares . "Y llovieron páxaros" (Canadá, 2019), con dirección y guión de Louise Archambault.

12 de payares . "Tommaso" (Italia, 2019), con dirección y guión d'Abel Ferrara.

15 de payares . "Lúa Vermella" (España, 2020), con dirección, guión y fotografía de Lois Patiño.

10 d' avientu . "Santiago, Italia" (Italia, 2018), con dirección y guión de Nanni Moretti.

13 d' avientu . "Verano del 85" (Francia, 2020), con dirección y guión de François Ozon.

17 d' avientu . "Zombie child" (Francia, 2019), con dirección, guión y música de Bertrand Bonello.

20 d' avientu . "A media voz" (Cuba, 2019), con dirección y guión de Heidi Hassan y Patricia Pérez.

27 d' avientu . "El reflexu de Sybil" (Francia, 2019), con dirección y guión de Justine Triet.

Toles proyecciones van ser a les 20:00 hores.