La Vuelta Asturies de 1975, duelu ente Fuente y Ocaña

El domingu 15 de xunu de 1975 La Voz de Asturias presentaba na so portada l'ascensu del Ensidesa a 2ª división y el comienzu de la XIX Vuelta a Asturies que titulaba como La Vuelta de Fuente y Ocaña.

Una edición na que Luís Ocaña finalmente quedó terceru y que ganara'l ciclista Miguel María Lasa, quedando segundu José Antonio González Linares .

Nel periódicu d'aquel domingu falábase de la primera de les etapes con final al sprint en Llanes que ganó'l ciclista Nistal, quedando segundu'l corredor noreñense Luís Alberto Ordiales que debutaba na carrera cola selección asturiana.