La Verbena de la paloma,pensión completa

El dramaturgu Maxi Rodríguez, que debutó n'Uviéu en 2017 cola zarzuela 'Maharajá', versiona esta temporada 'La Verbena de la paloma' de Bretón, a la que al so títulu añede 'Pensión completa'. Les dos funciones, nueva producción del Campoamor, van representase los díes 9 y 10 de marzu y van tar dirixíes musicalmente por José María Moreno. L'elencu ta integráu pola soprano Amparo Navarro (Susana), les mezzosopranos Marina Pardo (Rita y La Cantaora) y Mª José Suárez (Casta), la soprano cómica Amelia Font (La tía Antonia), los barítonos Enrique Baquerizo (Don Hilarión) y Javier Franco (Julián), el tenor Emilio Sánchez (Don Sebastián). Intervienen tamién Estrella García (Animadora) y Rodrigo Cuevas (L'Atracción).