La Universidá d'Uviéu presenta'l Club Alumni 360° UO

La Universidá d'Uviéu ta acabante poner en marcha'l Club Alumni 360° UO, asume'l retu de retomar el contactu con aquellos y aquelles qu'un día salieron esitosos de les sus aules o trabayaron para ella, col enfotu de faer comunidá sobre la base de venceyos ya intereses afeutivos y profesionales comunes.
Pretende asina favorecer el contactu ente toles persones que pertenecieron o pertenecen entá a la so comunidá universitaria; fortalecer l'espíritu de pertenencia y el sentimientu d'arguyu escontra la Universidá d'Uviéu y fomentar la cultura de collaboración en materia de promoción y desenvolvimientu profesional, empléu, acoyimientu, mecenalgu, patrociniu, conocencia.
Como entidá Alumni, amás de toles posibilidaes qu'ufierta a los sos usuarios, va facilitar el contactu y la collaboración con otres entidaes análogues a nivel nacional ya internacional, yá sían éstes surdíes del mesmu ámbitu universitariu o d'otros integrantes de la sociedá civil. Tamién va sirvir, al traviés de les persones que la componen, como venceyu con otres organizaciones de calter social y/o empresarial.
Recueye asina'l testigu d'iniciatives Alumni anteriores, merecedores de reconocencia, con una nueva perspectiva de modernidá y progresu social, focalizada n'Asturies y que contribuya al allugamientu de la rexón, de la Universidá d'Uviéu y de los sos propios alumni más allá de les sos fronteres.

Entra na páxina del Club Alumni 360° UO calcando na imaxen.