La Tabernera del Puerto peslla 'l XXV Festival de la Zarzuela d'Uviéu

"La Tabernera del Puerto representarase'l próximu xueves y el sábadu, a les 20 hores, nel Teatru Campoamor y va ser la postrera de les funciones coles que se peslla'l XXV Festival de la Zarzuela d'Uviéu y fadralo en memoria d'Emilio Güerta.
"Va Ser en memoria de el ex conceyal Emilio Güerta, Triqui, que nos acaba de dexar" Figura clave na construcción y afitamientu de Comisiones Obreres n'Asturies, organización de la que foi secretariu xeneral nesta rexón ente 1981 y 1994, primero entró a trabayar n' Ensidesa pa depués afiliase al Partíu Comunista y al sindicatu. Tamién foi diputáu rexonal y años dempués, volvió a la política como conceyala d'IX nel Conceyu. "Un gran home con un compromisu estremu cola xente de baxo, un optimista históricu al que solo pudo vencer una maldita enfermedá", esplicó afectáu, el so compañeru, el conceyal de Cultura del Conceyu d'Uviéu, Roberto Sánchez Ramos na presentación de les funciones.
Cosme Marina, director del festival agradeció a tol equipu, sobre too a Mario Gas, "el facer una Tabernera asina, una zarzuela en condiciones". A manera de rempuesta Gas, que torna a Uviéu tres quince años, dixo que ye una de les obres a les que más ciñu -y tien porque la estrenó'l so pa, y que foi una gran responsabilidá y un luxu trabayar con tou l'equipu que la fizo posible.
Argumentada nuna localidá imaxinaria del norte d'España, Cantabreda, esta zarzuela "evidencia, como'l restu del Festival, l'interés de la zarzuela n'Uviéu, de la que nesti ciclu completáronse l'aforu en más del 90%", indicó Sánchez Ramos, de la que destacó l'apueste de la Fundación Municipal de Cultura poles producciones propies y anunció que ya se ta trabayando nuna pal próximu añu.

A xuiciu del director musical, Oliver Díaz, "Uviéu convirtióse na segunda temporada de zarzuela más importante d'España y que ye un honor tar equí, como uvieín y asturianu que ye, trabayando con un magníficu equipu, cola Uviéu Filarmonía y la Capiya Polifónica Ciudá d'Uviéu". A la presentación tamién asistieron, ente otros, la soprano María José Moreno; Martín Nusspaumer, tenor; Javier Franco, barítonu; Ernesto Morillo, baxu y Francisco González Álvarez-Buylla, Presidente de la Fundación Musical "Ciudá d'Uviéu" y Presidente de la Capiya Polifónica "Ciudá d'Uviéu".