La Selmana Máxica llega a Siero
Dempués d'enllenar durante trés díes el Teatru Xovellanos de Xixón llega al Auditoriu de Siero'l Festival internacional VIII Selmana Máxica esti martes 1 de xineru a los ocho la tarde.
Esta Gala Internacional de maxa, baxo la dirección de José Armes " El Ilusionista" va tar protagonizada por:
Magus Utopia (Países Baxos) campeón de grandes ilusiones:
Dos vegaes Campeón del Mundu de Maxa (FISM), 2 vegaes ganador del Mandrake d'Or (conocíu como l'Óscar de la maxa), 2 vegaes campeón de maxa de Países Baxos. Algamó fama mundial polos sos espectaculares númberos de grandes ilusiones con visuales apaiciones y desapaiciones de persones, tresformamientos, númberos de riesgu, escapismo... que fixeron que los sos vídeos actuando nes más prestixoses cadenes de televisión del mundu se ficiesen virales, circulando al traviés de miles de teléfonos móviles de tol planeta col so númberu más espectacular que va poder vese en directu nel Festival.
Po Cheng Lai (Taiwán), campeón de manipulación:
Ganador del Primer Premiu de l'Asociación Máxica Asiática ente otros munchos, ye una de les más destacaes figures de la escuela oriental de prestidixitación, foi capaz de desenvolver la capacidá de manipoliar grandes abanicos con una impresionante maxa qu'hasta agora solo podía executase con cartes. La so maxa inclúi técniques solo capaces de llevar a cabu tres décades dedicaes a perfeccionar un complexu númberu de tan solo unos minutos.
Riversson, campeón de maxa xeneral
La so maxa caracterízase por númberos románticos, que funde cola danza, la música y la maxa tanto xeneral como de grandes ilusiones. Décades de trayectoria profesional a nivel internacional tantu en Les Vegues, Montecarlo, Alemaña, Italia, Francia, España... sirviéronlu pa ganar premios como la Varita d'Oru de Montecarlo, Primer Premiu SAM (Society of American Magicians), Campeón Nacional de Maxa o'l Premiu Frakson al magu más destacáu del añu.
Alberto Figueiredo, campeón de maxa risible y de cerca
Ye'l maestru de ceremonies, reconocíu especialista na disciplina de maxa deproximidá y con grandes dotes pa la maxa risible lo que-y sirvió pa ser uún de los magos presentadores más cotizaos del nuesu país y participar en reconocíos programes de televisión como: Sorpresa Sorpresa (Antena 3), Club Disney, Buenafuente (La Sesta), Espeyu Públicu (Antena 3)...
Lautaro, campeón de maxa con palombos y prestidixitación:
Especialista na complicada disciplina de la prestidixitación algamó gran reconocencia gracies a los sos númberos de maxa con palombos y manipulación de cartes colos que trunfó en distintos festivales internacionales.