La Sala Borrón entama temporada cola esposición de Manu García "Prefiero el sol, salvo de noche"

Hasta'l 12 de febreru podrá vese na Sala Borrón la esposición Prefiero'l sol, salvu de nueche del artista Manu García.

Trátase de la primer esposición individual del artista uvieín que destaca pola so potencia espresiva y el so impulsu vital.

Manuel García Fernández (Uviéu, 1994) ye graduáu  en Belles Artes pola Universidá de Salamanca. Participó en delles muestres colectives: Una línea invisible, Persona y Rica Pulpa, en Estudiopablodelillo (Uviéu); Corps Primaires, en galería COA (Montreal, Canadá); 29 Muestra d' Artes Plástiques del Principáu, Descodificando-Descomisariando, en la sala AVAM de Matadero (Madrid); Oasis, en sala LAi (Xixón); Cuaderno Moreno, en Espacio Naranjo (Madrid); Selección de TFG en Da2 (Salamanca) y Galería Arancha Osoro (Uviéu), y una muestra grupal nel Palacio del Marqués Revilla (Segovia).