La productora SOSPECHA FILMS dona cincuenta semeyes al Muséu del Pueblu d'Asturies

La productora SOSPECHA FILMS, de Madrid, qu'anguaño ta rodando n'Asturies la serie "ALMA" pa Netflix y que solicitó al Muséu del Pueblu d'Asturies delles imáxenes con escenes d'ámbitu marín asturianu pal atrezu, donó cincuenta fotografies feches o rellacionaes con Asturies que daten de 1880 a 1972, de dalgunos de los fotógrafos más destacaos d'Asturies.

Netflix elixió Asturies pa grabar la so próxima serie orixinal española: 'Alma', un thriller sobrenatural producíu por Beleń Atienza "SOSPECHA FILMS" ('Jurassic World: El reino caído', 'El secreto de Marrowbone'), Sandra Hermida ('Arde Madrid', 'El secreto de Marrowbone') y Jesús de la Vega ('Intruders', 'Hierro').

La ficción ta creada pol asturianu Sergio G. Sánchez, que debutó na dirección de llargumetraxes con 'El secretu de Marrowbone' y participó como guionista en 'L'orfanatu' y 'Lo imposible', ente otros. Sánchez dirixe 'Alma' xuntu a Kike Maíllo ('EVA', 'Cosmética del enemigu').

'Alma' va grabase principalmente en tola comunidá d'Asturies, onde van trabayar alredor de 100 persones durante casi cinco meses. Ente les más de 40 localizaciones concretes de rodaxe atópase la Cuevona de Ardines, una inmensa cúpula xeolóxica que forma parte del sistema de galeríes del Macizu d' Ardines al que pertenez la cueva de Tito Bustillo. 'Alma' ta cuntando cola collaboración d'Asturies Paraísu Natural Filme Commission, del Centru d'Arte Rupestre de Tito Bustillo y del Muséu Arqueolóxicu d'Asturies.