La obra EL RÉCTOR de Pedro de Silva estrénase nel Teatru Campoamor
El Teatru Campoamor acueye la representación d'El Rector, obra de Pedro Silva, los díes 28 y 29 d'abril, dirixida por Etelvino Vázquez.
La obra remembra ún de los episodios históricos más dramáticos y murnios de la ciudá d'Uviéu, como ye la detención, xuiciu y execución del Rector D. Leopoldo Alas Argüelles, nel añu 1937.
El Rector ye una obra publicada nel añu 2014 y supón la presentación oficial de Pedro de Silva como dramaturgu. Hasta esi momentu, l'autor tratara esti xéneru de forma tanxencial, pero, en nengún casu, cola trescendencia nin l'ambición qu'implica esta obra.
Los acontecimientos muéstrense d'una forma realista allegando, inclusu, a documentos y fontes históriques para sostener y construyir la trama. Una obra que recueye en siete actos los sucesos acaecíos y desvela el cálter humanista de D. Leopoldo Alas.