La llocura de los cuerdos

Compartimos el documental fechu con motivu del últimu retu solidariu de LinaresGYM. Nesta ocasión, a les diez la nueche del sábadu 29 de febreru Fran Linares, acompañáu por una ventena d'atletes vinculaos al ximnasiu que rexenta, empecipiaron el retu "Revuélcate contra la ELA".

La rueda de tractor utilizada pa los dos proyectos solidarios anteriores colos que percorrieron Sotrondio - Cuadonga y el Camín de Santiago, dende Francia a Santiago de Compostela, foi treslladada pelos brazos solidarios dende Sotrondio hasta la cume de Peña Mea, onde arrodió'l vértice xeodésicu que marca los 1558 m d'altitú.

L'oxetivu del retu yera facer visible la enfermedá y collaborar na recaldación de fondos pa la llucha contra la ELA.