La Líquida inaugura la campaña de teatru en Samartín del Rei Aurelio
El grupu andaluz La Líquida inaugura la campaña de teatru en Samartín del Rei Aurelio cola obra MUSEUM, galardonada col PREMIU ATENÉU DE TEATRU MÁLAGA AL
MEYOR ESPECTÁCULU INFANTIL 2020.
Trátase d'un espectáculu cómicu y didácticu pa neños y neñes. Un maraviyosu viaxe que percuerre la hestoria del arte de la mano de los grandes maestros: Picasso, Van Gogh, Velázquez, Miguel Ángel, Da Vinci... y les grandes maestres: Tamara de Lempika, Sofonisba Anguissola, Frida Kahlo...Teatru d'actores, oxetos, títeres y proyecciones manipulaes en directu.
L'arte universal ye la escusa perfecta pa estimular la comunicación, la creatividá, la percepción, la sensibilidá y l'espresión. ¡Y tou con una sorrisa!Una esperiencia teatral qu'apuesta pola cercanía, la interacción y l'humor pa cuntar esta sorprendente y orixinal visita al "Museum", y asina pequeños y mayores esfruten, aprienden y emociónense col arte y el teatru.
Puedes sacar la entrada on line calcando na imaxen.