La feria FETUMI Negocios, qu'entama HUNOSA, celébrase'l próximu 6 de payares.
La 5ª edición de FETUMI Negocios,
qu'entama HUNOSA, celébrase'l próximu 6 de payares.
El Pozu Sotón d'HUNOSA, en Samartín del Rei Aurelio, va acoyer el próximu día 6 de payares, vienres, la cita empresarial diseñada pol Grupu HUNOSA pa favorecer l'aprovechamientu económicu de los recursos turísticos industriales d'Asturies.
L'actual edición va venir marcada poles restricciones impuestes pa facer frente a la pandemia provocada pol virus SARS-Cov-2 y les midíes preventives tendentes a evitar l'espardimientu de la enfermedá.
El certame sigue apostando por caltener un calter profesional que dexe a los museos y centros de cultura industrial d'Asturies dar a conocer los sos conteníos a los turoperadores. Asina, representantes de les alministraciones locales y les entidaes venceyaes a la xestión de museos industriales y a otros recursos turísticos d'industria viva abiertos al públicu van poder caltener alcuentros de trabayu estremaos con estes axencies mayoristes. La organización tien previsto que los representantes de los turoperadores visiten el Pozu Sotón (visita interior, CEMM y redolada BIC), l'Ecomuséu de Samuño, el llagar Viuda de Angelón y, tamién, y el Muséu de la Sidra, convirtiéndose asina Nava en protagonista destacada de la quinta edición de FETUMI
La característica distintiva de la edición d'anguaño va ser el "maridaje" ente'l carbón y la sidra.
FETUMI Negocios ye un proyectu pioneru nel nuesu país, la primer cita turística dedicada a los recursos de calter industrial, un sector turísticu en crecedera en tol mundu. L' área de xuntes va tener 800 metros cuadraos mientres que'l recinto del eventu supera los diez mil metros, incluyendo les zones d'aparcamientu. La Feria convierte cada añu'l Pozu Sotón -instalación industrial declarada Bien d'Interés Cultural, con categoría de Monumentu, pol Principáu d'Asturies en 2014- na capital del turismu mineru n'España. Sotón ye, dende l'añu 2015, la única mina de carbón visitable polos turistes hasta casi seiscientos metros de fondura.