La compañía de Sara Baras n'Uviéu

El Teatru Campoamor acueye "Sombras" los díes 20 y 21 d'abril
El nuevu espectáculu de la Compañía de Sara Baras, "Sombras" forma parte de la programación del festival de Danza de la ciudá d'Uviéu con una función doble nesti mes d'abril.

Fai más de trenta años que Sara Baras entamara la so andadura polos escenarios del mundu. Los sos anicios en Cádiz, la so tierra, son parte de la so hestoria y esi primer eslabón de la cadena que ta representáu pola enseñanza que recibió del maestru que más influencia tuvo sobre la so trayectoria profesional, la so madre Concha Baras.
Tamién recibió formación de grandes maestros de la danza ente los que destaquen: Ciro, Manolete, El Güito y Dania González.
En 1.998 estrena la so propia compañía: Ballet Flamencu Sara Baras. Hasta la fecha lleva presentaos trece espectáculos, toos coreografiaos por ella.