Katalin Karikó, Drew Weissman, Philip Felgner, Uğur Şahin, Özlem Türeci, Derrick Rossi y Sarah Gilbert Premiu Princesa d' Asturies d Investigación Científica y Técnica 2021

Katalin Karikó, Drew Weissman, Philip Felgner, Oğur Şahin, Özlem Türeci, Derrick Rossi y Sarah Gilbert, de forma independiente, contribuyeron al desenvolvimientu de dalguna de les vacunes aprobaes hasta la fecha, toes elles basaes en distintes estratexes, que tienen la proteína S como blancu común.Ye una proteína presente na superficie del virus que facilita la so unión y entrada a les célules.

Philip Felgner ye pioneru nel usu de microarrays de proteínes pa entender de forma detallada cómo respuende'l sistema inmunitariu a distintos microorganismos infeiciosos ya identificar los meyores antíxenos pa usar nes vacunes y en pruebes diagnósticas. Amás, en 1985 afayó y desenvolvió la tecnoloxía de lipofección, estratexa que consiste na introducción de material xenéticu nun liposoma pa que pueda ser tresportáu ya introducise nes célules. Esta tecnoloxía ta presente nes nanopartícules lipídiques que sirven como vehículu d'alministración de les vacunes de ARN mensaxeru (ARNm) frente a la COVID-19.

Per otra parte, Katalin Karikó, pionera nel estudiu de les posibilidaes terapéutiques d'esta molécula, ye considerada la madre d'esti tipu de vacunes. Xuntu al inmunólogu Drew Weissman, empezó a trabayar nes vacunes basaes en ARNm y vieron qu'esta molécula provocaba fuertes reacciones inflamatorias porque'l sistema inmunitariu detectábala como intrusa. Dambos llograron introducir pequeños cambeos na estructura del ARN pa qu' estes reacciones nun tuvieren llugar.

Esta meyora sentó les bases pal usu de terapies d' ARN y los sos resultaos sirvieron a Oğur Şahin y Özlem Türeci (BioNTech) y Derrick Rossi (Moderna) pal desarrollu de les vacunes basaes en ARNm qu'anguaño fueron aprobaes contra la COVID-19 y que'l so usu pudiera estendese a distintes árees de la medicina como'l cáncer, les enfermedaes autoinmunitaries o la rexeneración de texíos.

Finalmente, la vacunóloga Sarah Gilbert foi otra de les persones que trabayaron para consiguir una vacuna frente al SARS-CoV-2. La so vacuna, otra de les aprobaes poles autoridaes europees hasta agora (Oxford/AstraZeneca) ta basada nun adenovirus que s'utiliza como vector pa introducir nes célules l'ADN que codifica la proteína S, estimulando asina la rempuesta inmunitaria.