José Andrés y la ONG World Central Kitchen Premiu Princesa d' Asturies de la Concordia 2021

José Andrés y la ONG World Central Kitchen Premiu Princesa d'Asturies de la Concordia 2021
Convertíu nun de los chefs más reconocíos en tol mundu, en 2012 José Andrés fundó, en viaxando a Haití en 2010 pa emprestar ayuda humanitaria, la World Central Kitchen (WCK), ONG cola que lleva a cabu diversos proyectos de cooperación cola cocina como elementu central.

José Andrés y los trabayadores de WCK dediquen la so esperiencia nel ámbitu gastronómicu pa desenvolver formes d'asistencia humanitaria exemplar, atenta a ayudar a los más desfavorecíos nes situaciones más estremes, y sirven de catalizadores pa la collaboración d'axentes de distintos ámbitos en pos d'una sociedá más xusta y sostenible.

José Ramón Andrés Puerta nació'l 13 de xunetu de 1969 en Mieres .Más conocíu como José Andrés, foi discípulu de Ferran Adrià a finales de los años ochenta. Dende la so llegada a EE. UU. en 1991, convirtióse en referente ente los cocineros d'esi país. Propietariu de más de venti restoranes participó en numberoses publicaciones y programes de televisión rellacionaos cola cocina, contribuyendo asina a espublizar y popularizar la gastronomía española. En 2020 Time dedicó-y la portada d'un númberu especial sobre l'amenaza provocada pola pandemia de la COVID-19.

Nomáu en 2014 Estadounidense Escepcional pol expresidente d'Estaos Xuníos Barack Obama, recibió ente otres reconocencies, los premios Humanitariu McCall-Pierpaoli (EE. UU., 2014), Humanitariu del Añu de la Fundación James Beard (EE. UU., 2018), Julia Child (EE. UU., 2019), American Express Icon (Singapur, 2019), el Gran Premiu de la Cultura Gastronómica de l'Academia Internacional de Gastronomía (Francia, 2020) y el Basque Culinary World Prize (España, 2020). Foi incluyíu ente les cien persones más influyentes del mundu en 2012 y 2018 pola revista Time.