Joanne Chory y Sandra Myrna Díaz, Premiu Princesa d' Asturies d' Investigación Científica y Técnica

Aconceyáu n'Uviéu'l xuráu del Premiu Princesa d'Asturies d'Investigación Científica y Técnica 2019, integráu por Jesús del Álamo, Juan Luis Arsuaga Ferreras, Alicia Asín Pérez, César Cernuda Rego, Juan Ignacio Cirac Sasturáin, Miguel Delibes de Castro, Elena García Armada, Clara Grima Ruiz, Amador Menéndez Velázquez, Sir Salvador Moncada, Ginés Morata Pérez, Enrique Moreno González, Adriana Ocampo Uría, Peregrina Quintela Estévez, Inés Rodríguez Hidalgo, Manuel Toharia Cortés, María Vallet Regí, presidíu por Pedro Miguel Echenique Landiríbar y faciendo de secretariu Santiago García Granda,alcuerda por unanimidá conceder el Premiu Princesa d'Asturies d'Investigación Científica y Técnica 2019 a Joanne Chory, estadounidense, y a Sandra Myrna Díaz, arxentina, poles sos contribuciones pioneres a la conocencia de la bioloxía de les plantes, que son trascendentales para la llucha contra'l cambéu climáticu y la defensa de la diversidá biolóxica.
Los trabayos de Joanne Chory sobre les respuestes moleculares y xenétiques de les plantes a les variaciones ambientales sobremanera lluz y temperatura, ayuden a entender y ameyorar l'adaptación de los sistemes naturales al calentamientu global. De forma complementaria ya independiente, les investigaciones de Sandra Myrna Díaz dexen cuantificar la importancia del caltenimientu de la biodiversidá funcional pa garantizar los beneficios que los ecosistemes empresten a la Humanidá.