IV FORU DE LA CULTURA

Perinteresante foru cultural burgalés "DENDE L'ABELLUGU" pa estos tiempos de confinamientu voluntariu nel que puede asistise a los debates de los díes 13, 14 y 15 de payares, al traviés del so canal de YouTube. Actividaes previstes pa los recintos Fórum Evolución y Teatru Principal de Burgos, n'alcuentros qu'almiten participación del públicu y que se van emitir 'online' y n'abiertu.
Sobre l'acción individual y toma de conciencia vertébrase 'Pequeñes rebeliones pa un mediu ambiente', con Mónica Gutiérrez de Basurama, Andreu Escrivá y Javier Fesser, nun alderique moderáu por Roberto Lozano de Fundación Oxígeno de Burgos, el 13 de payares.
En 'Como guante d'artista en puñu d'activista' va moderar la directora de 'La Marea', Magda Bandera, una mesa sobre'l compromisu activista dende la creatividá artística na qu'intervienen la cineasta Gracia Querejeta, el músicu de la M.O.D.A. David Ruiz y l'escritora Edurne Portela .
Na tarde del vienres va quedar acutada pa temes como la ciencia y l'espiritualidá.
La primera d'elles, 'El celebru y les sos llendes', va ser un intercambiu ente la neurobióloga Mara Dierssen y l'escritora Elizabeth Duval, moderaes pol periodista Álvaro Melcón, sobro l'inalvertíu potencial al que podemos llegar, gracies a la nuesa fuerza cerebral, como animales nesti planeta.
Dempués va tener llugar la conferencia 'La espiritualidá en tiempos de la COVID', sobre meditación y contactu cola naturaleza, a cargu del sacerdote y escritor Pablo d'Ors, presentáu pola periodista Belén Delgado.
El sábadu a mediudía van dase cita la poeta Elena Medel, l'escritor Manuel Rivas y el fotógrafu José Manuel Navia pa charrar sobre memoria, alcordances, paisaxes y tierra na mesa 'Territorios'.
Pela tarde, van axuntase Patricia Sornosa, Roberto Braseru y Simón Elías, que van charrar con toques cómicos sobre la divulgación y la concienciación a golpe de risada en 'L'humor como últimu apartaz', moderaos por Sara Escudero.
La xornada va concluyir en redol al mediu ambiente con 'Educar na naturaleza', nuna mesa moderada por Beatriz Sacristán, del colectivu burgalés One, two, free!, cola filósofa Heike Freire, la doctora en Bioloxía Katia Hueso y l'escritora Odile Rodríguez ('Un home na tierra').
La política y la filosofía van pesllar la IV edición del Foru en Burgos el domingu 15. Manuela Carmena, Eduardo Madina y Borja Sémper van falar sobre 'Espacios de llibertá' nun diálogu a trés coordináu por Marta Fernández.
Dempués, van cavilgar sobre la importancia de la lentitú y el vaciáu de la mente'l chef Andoni Aduriz, l'alpinista Carlos Soria y la filósofa Ana Carrasco Conde, na mesa redonda 'La esperanza de nun esperar nada', que va moderar el periodista Francisco Alcántara.

Puedes entrar nes actividaes calcando na imaxen.