IV CAMPUS TEUNOLÓXICU CON INGLÉS POZU SOTÓN

Vuelve'l IV Campus Teunolóxicu n'Inglés Pozu Sotón.

Del Llunes 25 al Vienres 29 de xunu y n'horariu de 9.00 a 14.00 hores, quien necesite horariu ampliáu tendrá de contactar col Cemm p' alcordalo, pudiendo ampliar dende les 8:00 a.m. hasta les 15:00 p.m.
Como en pasaes ediciones va apostase pola robótica dáu l'ésitu que siempres tien ente los participantes y anguaño tien un extra bien importante, ¡actividaes n'inglés!
A lo llargo de la selmana que dura'l Campamentu Teunolóxicu con inglés, los participantes van llevar a cabu actividaes bien variaes con un definíu componente teunolóxicu y marcáu por un contactu siguíu cola llingua inglesa:
• Informática. Realización d'actividaes diverses emplegando Windows, distintos programes ya Internet.
• Robótica. Diseñu y programación de robots de distintes marques y modelos.
• Programación llineal. Los participantes van diseñar y van programar videoxuegos per mediu del usu de distintes ferramientes destinaes a ello.
• Fotografía. Usu de cámara fotográfica compacta, realización de composiciones fotográfiques, etc.
• Impresión 3D. van realizase diseños per ordenador que finalmente se materializarán n'oxetos impresos en trés dimensiones.
• Realidá aumentada. Per mediu del usu de tablets vamos llograr que los participantes dean vida a la creación per mediu de la realidá aumentada.
• Realidá virtual. Usando gafes de realidá virtual, los alumnos van esfrutar de videoxuegos, videos y animaciones vistes como nunca antes podíen facer.
• Gymkana teunolóxica. Tamién va haber tiempu pa trabayar el cuerpu y non solo la mente. Los alumnos van esfrutar del tiempu de bran al aire llibre mientres esfruten y participen n'una gymkana de lo más teunolóxica.
• Esperimentación. Los alumnos, al traviés de la realización d'esperimentos, van averase tamién a otros terrenes de la ciencia como pueden ser la física o la química.
• Reciclaje teunolóxicu. Actividaes manuales destinaes a reciclar y/o reconvertir material teunolóxicu inservible.
• Sesiones n'Inglés puramente dichu. Amás del contactu intermitente col idioma Inglés al traviés de determinaes actividaes que se van facer nesti idioma, a lo llargo del Campamentu van desarrollase tamién  sesiones específiques onde se va trabayar vocabulariu propiu del mundu teunolóxicu, espresiones relatives a les distintes disciplines de les Ciencies y xuegos y dinámiques que pretender facer una inmersión nel idioma .
Too ello por tan solo 65 € por participante y amás, les families numberoses van tener un descuentu del 20%.
Les actividaes a desenvolver van dirixíes a neños d'ente 6 y 12 años, entamándolos en distintos grupos en función de les sos edaes y les sos conocencies nes distintes materies.
El campus llevaralu a cabu la empresa Tecles Tecno Formación dáu l'ésitu y la profesionalidá de les pasaes ediciones.
Les places resérvense nel teléfonu 985 66 19 44, nel corréu electrónicu cemmpozosoton.es o nes instalaciones del Centru d'Esperiencies y Memoria de la Minería nel Pozu Sotón.