Importante empate del Sporting en Mallorca

Puntu importante del Sporting consiguíu nun campu tan difícil como ye l'Estadiu de Son Moix,nel que l'equipu balear solamente lleva dos goles en contra no que se lleva de competición.
Los primeros 45 minutos fueron bien intensos y d'enforma ritmu nos que l'equipu de David Gallego dispunxo de les meyores ocasiones pa marcar . L'equipu xixonés pudo dir al descansu con una renta favorable pero faltó-y definición nes trés clares ocasiones que tuvo.
Na segunda metá'l Mallorca dispunxo d'ocasiones pero ensin poner n'apuros al cancerberu roxiblancu Diego Mariño que tuvo bien seguru durante tol alcuentru.
El sporting acusó l'esfuerzu físicu fechu durante'l partíu y acabó sufriendo más de la cuenta ante l'asediu del equipu local.
En definitiva puede dase por bonu l'empate ante un equipu como ye'l R.C.D. Mallorca, un seriu candidatu al ascensu a la primer división.
El Sporting enfrentaráse'l próximu miércoles nel Estadiu Municipal El Molinón-Enrique Castro "Quini" col C.E.Sabadell a les siete la tarde.