III CARRERA SOLIDARIA CONTRA EL CANCER EN SAMARTÍN DEL REI AURELIO EN COLLABORACIÓN COLA FUNDACIÓN SANDRA IBARRA
Samartín del Rei Aurelio va celebrar la III Carrera Solidaria contra'l cáncer el próximu 9 de setiembre, con salida dende'l parque d'El Florán, entamada pol Patronatu Municipal de Deportes y el Conceyu de Samartín del Rei Aurelio, la so recaldación destinase íntegramente a la Fundación Sandra Ibarra de Solidaridá contra'l Cáncer.
La novedá d'anguaño ye l'apertura de la inscripción tamién a los homes que quieran correr y non solo a les muyeres como se venía faciendo nes dos anteriores ediciones. La inscripción puede realizase nos polideportivos de Blimea y L'Entregu, na tienda Lamar Sport, en L'Entregu, y al traviés de la web https://www.321go.es/ por un costu de 10 euros qu'inclúi la entrega d'una camiseta de la prueba. En total van ponese a la vienta 300 dorsales.
La carrera, de cuatro kilómetros y dificultá baxa, va partir dende'l parque d'El Florán en dirección a la ponte del Miramar pola ribera del ríu Nalón. Una vegada algamáu esti puntu va siguir pola carretera AS-17 que crucia la localidá de Blimea en sentíu descendente escontra la ilesia de Sotrondio onde se va enllazar col Paséu de Samartín de regresu a la meta nel mesmu llugar de partida.
La competición coincide cola celebración de la ventiavu séptima Feria de Muestres y Esposiciones de Samartín del Rei Aurelio los díes 7, 8, 9 y 10 de setiembre.