Homenaxe al gaiteru Valentín Fuente Álvarez nel auditoriu de Siero

Esti miércoles nel programa Al Llau del Llar ,a les 18:30 y 22:00 hores, falamos con  Miguel Ánxel d'AFATRA, l' Asociación de Folklor Amigos de la Tradición , que xunto l'Asociación Amigos del Roble organicen l'homenaxe a Valentín Fuente esti sábadu al mediudí nel Auditoriu de Siero .

Tamién falaremos col propiu homenaxeáu, Valentín Fuente Álvarez. Un samartiniegu de Perabeles afincáu en Siero, consideráu  ún de los gaiteros tradicionales más activu, con más de 40 años dedicáu a la gaita,la música tradicional y l'estudiu de la cultura asturiana.

A la so llabor desendolcada nel Valle del Nalón xúnese agora la que fae en Siero onde cola la Sociedá de Festexos trabayó na recuperación de tradiciones como'l Ramu pa la procesión del Carmen o los pasacais de xigantes y cabezudos. Miembru de l'Asociación El Roble participó na creación del Festival d'Asturianía, , les alboraes y dianes nos Güevos Pintos y El Carmín, el Concurso de Baile a lo Suelto, El Concursu de Canción Asturiana , los Cancios de Chigre o'l Concursu de Pinchos en La Pola.

La cita p'acompañar a Valentín Fuente Álvarez ye'l sábadu 25 de setiembre a les 12:00 nel Auditoriu de Siero.