Güei 21 d'abril presentóse la Biblia n'asturianu
21.04.2021
Esti miércoles 21 d'abril presentóse nel salón d'actos del Real Institutu d'Estudios Asturianos (RIDEA) la edición n'asturianu de la Biblia.
Nesti hestóricu actu tuvieron Berta Piñán, conseyera de Cultura, Política Llingüística y Turismu; José Luis Andavert, ex director de la Sociedá Bíblica; Ricardo Moraleja, coordinador de traducciones de la Sociedá Bíblica, y el filólogu Ramón d'Andrés, consultor y revisor llingüísticu y lliterariu del proyectu.
Trenta años tardó la ellaboración d'esti llibru nel que trabayaron más de trenta persones y trenta euros ye'l preciu d'esta iniciativa promovía pola Sociedá Bíblica que tien una edición de 3000 exemplares.
Calcando na imaxen podrás ver l'actu de presentación de la Biblia n'asturianu nel canal YouTube de la Sociedá Bíblica d'España.