Grillu y un bichu verde, de Miguel R.Martínez con ilustraciones d'Enrique Carballeira.Un llibru al llau

Esta selmana presentamos n'Un llibru al llau  GRILLU y un bichu verde, publicáu por Ediciones Ámbitu nel añu 2002.

Trátase del primer llibru del piloñés Miguel Rojo Martínez y les ilustraciones son d'Enrique Carballeira.

A Grillu présten-y munches coses: lleer el periódicu, mirar les estrelles... Esto último ye lo que-y presta más y a veces queda tiráu nel xardín de casa la nueche entera. Grillu namás echa en falta tener collacios. ¿Podrá pidi-y a esa estrellona fugaz que-y los traiga? De xuro que se cumple'l so deséu. Anque lo que-y venga del cielu seya una estraña nave na que viaxa un bichu verde tovía más estrañu.

Consigue un exemplar de GRILLU y un bichu verde participando nel sortéu d'Un llibru al llau unviando un corréu antes d'esti domingu 14 de marzu a les 23:50 hores a: alllaudelllar@hotmail.com.

Collaboren : Academia de la Llingua Asturiana y Ayuntamientu de Samartín del Rei Aurelio.