Goleada nel Tartiere, El Real Oviedo gana al Castellón por 4-0

Contundente Victoria del Real Oviedo énte'l C.D.Castellón.
Pronto marcaría l'equipu carbayón con gol de Marcos Sangalli a los 9 minutos de la primer metá.
El Real Oviedo volvió mostrar la so solidez defensiva y nun dio opción al equipu visitante, qu'apenes inquietó la portería de Femenías.
Un equipu que salía perbién dende tras y con mayor dominiu del balón frente a un Castellón que se vía sosprendíu poles continues llegaes del equipu azul a la so área.
Asina foi qu'a dos minutos del descansu anulóse-y un gol a Leschuk por falta d'un defensa.
Namás entamar la segunda metá al primer minutu de xuegu Borja Sánchez daría'l segundu pal Real Oviedo y a partir d'esi gol l'Uviéu desatapó'l so olfatu goliador, con otros dos goles d'Edgar González.
Xusta la victoria uvieina énte un débil Castellón que suma la so sesta derrota consecutiva.
El Real Oviedo va enfrentase al Zaragoza'l próximu vienres a les 9 de la nueche nel Estadiu de La Romareda onde na última temporada ganó l'equipu uvieín por 2-4.
El Real Zaragoza ye un club históricu del fútbol español fundáu en 1932, con una masa social de 21.000 abonaos y 124 peñes.