Gala clausura y entrega premios CINESAN
L'actor Félix Corcuera será'l presentador d'una gala protagonizada pol cine, l'humor y l'actuación del xoven coru Luzcorae.
La entrada ye gratuita pero hai que reservala y tolos asistententes tan invitaos al pinchéu que se desendolcará tres finar l'actu.
El Festival Internacional de Curtiumetraxes de Samartín del Rei Aurelio (Cinesan) celebra'l sábadu 11 de payares a les 19:30 hores la Gala Clausura y Entrega premios d'un certame que recibió 1179 curtios y nel que la película vencedora de la Sección Oficial foi "Madre", dirixida por Rodrigo Sorogoyen (Madrid, 1981). La obra tamién se llevó'l premiu a la meyor interpretación pa l'actriz Marta Nieto (Murcia, 1981), El meyor curtiu na categoría Asturianu foi pa la película titulada "Llegar", de los hermanos Javier y Kiko Prada.
El xuráu del certame tuvo
presidíu pola conceyala de Cultura del Conceyu de Samartín del Rei
Aurelio, María Alonso García. Un xuráu del que formaron parte Francisco
Longoria, Emma González, Asur Fuente y Jaime Gona faciendo de secretariu
Xosé Ramón Martín Ardines .
La presente edición del Festival Cinesan
recibió 1179 curtios,de los que fueron escoyíos pa la so proyección
trenta cintes.
El curtiu "Madre" ta protagonizáu por Marta Nieto, Blanca Apilanez y Álvaro Bales. Trata sobre una conversación cotidiana ente Marta y la so madre, que se convierte nuna tráxica situación a contra reló tres la llamada que reciben del fíu de la primera.
El director ye llicenciáu n'Hestoria y estudia guión na ECAM. Ye sociu de Caballu Films, director y guionista de llargumetraxes como "Stockholm" (2013) y "Que dios nos perdone" (2016). El so últimu trabayu ye'l curtiu que ganó'l Festival Internacional Cinesan. Tocantes a la galardonada Marta Nieto, ye una actriz española con un abultáu currículum. Trabayó en cine y televisión, en películes como "Combustión", "Terror global", "El camino de los ingleses" o "Shall we dancie?", ente otres. El xuráu valoró la so "intensa y angustiosa actuación que lleva'l pesu de tola trama del curtiumetraxe".
La categoría Cortu Asturianu ta acutada a directores de la rexón. "Llegar" ye un drama social nel que dos muyeres caltienen una conversación. Una d'elles pasa por malos momentos económicos. Los hermanos Prada son dos productores y directores qu'empezaron la so carrera nel añu 2004. Dende entós realizaron un buen númeru de curtiumetraxes y llograron más de 100 premios en sumando más de mediu millar de selecciones en festivales. "Llegar" yá llogró los premios "Meyor Actriz" y "Meyor Personaxe Femenín" na XV Edición del Jameson NotodoFilmFest.