Gala Clausura del FICX
Nel Teatru Xovellanos celebróse la gala clausura y entrega premios de la 55 edición del Festival Internacional de Cine de Xixón, onde'l protagonismu, además de los premios, tuviéronlo les pallabres escontra la violencia machista de la poeta colombiana Jhoana Patiño interpretaes pola actriz Ingrid García-Jonsson , al coincidir col Día Internacional de la Eliminación de la Violencia Escontra les Muyeres.
L'actu foi presentáu pola periodista xixonesa Inés Paz, que guió la entrega premios concedíos pol xuráu presidíu por Whit Stillman.
Isabel Coixet recoyó de Mercedes Sampietro, el premiu "Muyer de Cine" y l'actor Ugo Broussot ,miembru del repartu de dos de les produciones franceses a concursu ( la ganadora En attendant les barbares y Los siete desertores) lleó les pallabres del direutor Eugène Green en defensa del cine y del arte amenazáu pol barbarismu del racionalismu materialista y la deshumanización del home poles máquines qu'él mesmu creó. L'actor acabó'l so discursu con una peculiar interpretación de Xixón del alma.
Dempués de la Gala de Clausura y enantes de la fiesta final que tuvo llugar nel patiu del Antiguu Istitutu Xovellanos, tuvo llugar la proyeición de la película Nadie nos mira, de Julia Solomonoff, nun abarrotáu Teatru Xovellanos qu'aplaudió la obra de la cineasta arxentina.
Además de la película francesa 'En attendant les barbares', de Eugène Green, que foi la ganadora del Festival Internacional de Cine de Gijón (FICX).
La meyor direición foi pa Ana Urushadze, con 'Scary Mother', una película qu'algamó tamién el premiu a la meyor fotografía.
El xuráu dio'l premiu al meyor actor al fallecíu Harry Dean Stanton, protagonista de 'Lucky', película que ganó tamién el premiu a la meyor banda sonora. La tercera película con mas premios foi 'Until the birds return': meyor direición artística y premiu especial del xuráu.
Kim Min-hee foi elexía meyor actriz pol so papel na película 'On the beach at night long'. El palmarés de la seición oficial complétase col premiu al meyor guión, pa Stephan Komandarev y Simeon Ventsislavov por 'Destinos'. Nel apartáu de curtiumetraxes, la meyor cinta elexía foi 'La bouche', de Camilo Restrepo.
El xuráu xoven dió'l premiu en llargumetraxes a 'Scary Mother'. Y en curtiumetraxes a 'Gros chagrin', de Céline Devaux.
Na seición Rellumes el premiu al meyor llargumetraxe foi pa 'Manuel', de Darío Albertini' y la meyor direición pa Ben Russel por 'Good Luck'.
Na seición 'Enfants Terribles', que patrocina EL COMERCIO, algamó'l premiu 'Zombillénium', de Arthur de Pins, y el premiu del públicu foi pa 'El equipo de mi barrio', de Rafa de los Arcos.
El xuráu de cine español elixó como meyor película nacional 'Lo que dirán', de Nila Núñez, direutora qu'algama también la meyor direición d' una película española. El meyor guión nacional foi pa Marc Recha por 'La vida lliure'.
El xuráu CIMA, qu' entrega 'l galardón al meyor llargumetraxe dirixíu por una muyer foi pa 'El orden divino', que dirixe Petra Volpe mientres que la película qu'algamó'l premiu Día d'Asturies foi pa 'En modo silencio', de Teresa Marcos. El meyor curtiu d'esta seición foi 'Aprieta pero raramente ahoga', de David Pérez Sañudo.
Los premios complétense col premiu Llaboral Cinemateca Cortos, de la seición Día d'Asturies, que foi pa 'Ciruela de agua dulce', de Roberto F. Canuto y Xu Xiaoxi. El premiu Proyectu Curtiu Movistar + / Pecera Estudio 2017 algamólu 'Cordero', que dirixe Kepa Sojo.
El xuráu del premiu Nuevos Realizadores del Principáu d' Asturies foi pa Fernando Lorenzana por 'La distancia' y 'Puerto deseado', de Diana Toucedo, algamó'l premiu DCP Deluxe Push Play Work in Progress Session.