Fotografíes Circa XX Pilar Citoler. Naturaleces y Arquitectures nel Muséu Barjola
El Muséu Barjola presenta una selección de fotografíes de la Colección CIRCA XX, propiedá dende 2013 del Gobiernu d'Aragón y qu'anguaño forma parte de los fondos del IAACC Pablo Serrano, cedíes en préstamu temporal para esta esposición.
La Circa XX ye frutu de la pasión pol arte de Pilar Citoler (Zaragoza, 1937) qu'empecipia la so colección a finales de los años sesenta y llévala a axuntar 1.215 obres ente pintura, dibuxu, obra gráfica, bibliofilia, escultura, fotografía y video. Nella tán presentes artistes españoles dende la posguerra hasta l'actualidá y una nutrida representación d'artistes internacionales. Bien activa nel mundu del arte, Pilar Citoler recibió numberosos premios, como'l Premiu Arcu al Coleicionismu Priváu, el Premiu Arte y Mecenalgu o la Medaya d'Oru al Méritu de les BBAA, ente otros.
Esta muestra céntrase na fotografía, en xéneros que tán magníficamente representaos na colección y de los que se presenten múltiples enfoques al traviés de les obres de Chema Alvargonzález, José Ramón Amondaráin, Bae Bien-U,José Manuel Ballester, Per Barclay, Gabriele Basílico, Richard Billingham, Bleda y Rosa, Edward Burtynsky, Daniel Canogar, James Casebere, Vincenzo Castella, Magdalena Correa, Elger Esser, Roland Fischer, Amparo Garrido, Pablo Genovés, Béatrice Helg, Candida Höfer, Axel Hütte, Carlos Irijalba, Ola Kolehmainen, José María Mellado, Antoni Muntadas, Rafael Navarro, Álvaro Negro, Aitor Ortíz, Simeón Saiz Ruiz, Montserrat Soto, Juan Uslé, Valentín Vallhonrat, Mayte Vieta y Begoña Zubero ,, que-yos dan pluralidá y da-yos el so títulu de Naturaleces y Arquitectures.
Trátase d'artistes nacionales ya internacionales, nacíos ente los años 40 y los 70 del pasáu sieglu polo que supón un arcu xeneracional d'auténticos maestros o artistes no meyor de la so carrera. Tán representaos, sacantes, una esceición, por obres realizaes nel presente sieglu. Toos son creadores n'activu, sacantes Gabriele Basílico fináu en 2013 y Chema Alvargonzalez que nos dexó prematuramente en 2009.