Forma Antiqva recupera la música de María Antonia Vallejo Fernández, «La Caramba»

Nel Teatru Auditoriu de San Lorenzo de L' Escorial presentó'l grupu llangreanu "Forma Antiqva" el so nuevu proyectu artísticu , nel que recupera la música de María Antonia Vallejo Fernández, «La Caramba».
Yá na so dómina, María Antonia Vallejo Fernández, conocía como «La Caramba», foi oxetu de fascinación pola so guapura, el so enorme poder de seducción, los sos pícaros escurrimientos, la so gracia nel arte de cantar y, finalmente, la so insólita conversión relixosa y retiru nel puntu cimeru de la so carrera. La so alcordanza nun desapaeció tres la so muerte, sinón que nos sieglos XIX y XX la so figura, yá nel terrén de la lleenda, foi tema de cantares, llibros, zarzueles y películes. Forma Antiqva recupera esti personaxe cola música d'aquella dómina ,nun programa qu'entusiasmó al públicu qu'asistió al conciertu del pasáu 31 de xunetu:

La Caramba (tonadilla a solo) / anónimu
Fandango/ Bernardo Álvarez Acedo (1766-1821)

Sinfonía en si bemol mayor / José Castel (1736/37-1807)

Los mormuradores (tonadilla a solo) / Pablo Esteve (ca. 1730-1796)

Sinfonía en sol mayor / José Castel

El arrendador del sebo (tonadilla a solo) / José Castel

Los duendecillos (tonadilla a solo) / Pablo Esteve

Calcando na semeya puedes dir a la páxina del grupu de música barroca "Forma Antiqva" .