FIDMA 2018

El pasáu vienres 3 d'agostu tuvo llugar la inauguración de la 62ª edición de la Feria Internacional de Muestres d'Asturies qu'axuntó nel Palaciu de Congresos del Recinto Ferial d'Asturies Luis Adaro a más de 400 persones nel que ye consideráu l'acontecimientu económico y empresarial más importante del añu nel Principáu y que se desendolcará hasta'l 19 d'agostu.

L'actu foi presidíu pol Presidente del Gobiernu del Principáu d'Asturies, Javier Fernández, al qu'acompañaron la ministra de Sanidá, Consumu y Bienestar Social, Carmen Montón, el presidente de la Xunta Xeneral, Pedro Sanjurjo, l'alcaldesa de Xixón, Carmen Moriyón, el conseyeru d'Empléu, Industria y Turismu, Isaac pola, el presidente de la Cámara de Comerciu d'España, José Luis Bonet y el presidente de la Cámara de Comerciu de Xixón, Felix Baragaño.

Igualmente, tamién asistieron la delegada del Gobiernu, Delia Losa, los alcaldes d'Uviéu, Avilés, Llangréu o Mieres, el presidente de la Cámara de Comerciu d'Uviéu, Carlos Paniceres, el vicepresidente de la Cámara de Comerciu d'Avilés, Francisco Menéndez, miembros del Comité Executivu y Plenu de la Cámara de Comerciu de Xixón, el presidente de FADE, Belarmino Feito, senadores, diputaos, conceyales, autoridaes militares, espositores y empresarios.

Nel so discursu inaugural, el presidente de la Cámara de Comerciu de Xixón, Félix Baragaño reclamó estabilidá como elementu clave pal entramáau empresarial, tantu nel ámbitu global como nel ámbitu llocal, abogando pola cohesión territorial, que tien d'esforzase pol equilibriu del financiamientu autonómicu al traviés d'un pactu d'Estáu que garantice la sostenibilidá finaciera de los territorios.

Baragaño faló del problema demográficu y el relevu xeneracional, retos a los que s'enfrenta España y Asturies. Nesti sentíu propunxo trabayar en polítiques de fomentu de natalidá que dexen la conciliación real de trabayu y familia.

Tamién se detuvo na denominada transición enerxética,aspeutu al que s'enfrenta la industria española y particularmente l'asturiana. Baragaño demandó qu'esta transición s'afrontara con rigor, ensin maximalismos nin precipitaciones de consecuencies indeseables.

Nel so discursu, el presidente allabó a la industria asturiano como motor económicu de primer orde, destacando los sectores enerxéticu, naval, metal, químicu o agroalimentariu, inxeniería, Tic y turismu como dalgunos de los más destacaos nel Principáu, pa los que pidió siguir sofitando pa que crezan, s' internacionalicen y apuesten pola formación y l'innovación"

Finalmente destacó dalgunes de les prioridaes que nesti momentu considera cruciales na nuesa redolada, como l'impulsu del Área Metropolitana Central, el desenvolvimientu de la Plataforma Atlántica del Noroeste y la Planta Regasificadora d'El Musel, según La Zalia y l'Autopista del Mar. Yá nun ámbitu más local saludó'l avanze del Plan Xeneral d'Ordenación Urbana y reclamó solucionar el paralís de la Planta Depuradora del este de la ciudá de Xixón y la necesidá de meyora de la rede de saneamientu.

Peslló láctu falando de la importancia de la Feria como serviciu clave qu'ufierta la Cámara de Comerciu de Xixón al Principáu d'Asturies, como promotora del eventu y ceadora del Consorciu de Feries y Esposiciones, exemplu de collaboración públicu-privada que tuvo un ésitu incontestable al traviés de los años.