FETUMI 2 y 3 de xunu nel pozu Sotón

Doce museos mineros d' España y Portugal confirmaron la so presencia na Feria de Turismu Mineru y Industrial (FETUMI), qu' impulsa HUNOSA nel Pozo Sotón y que se cellebrará los díes 2 y 3 de xunu.

La muestra consolídase como puntu d'alcuentru nacional pa entidaes vinculaes al aprovechamientu turísticu de los recursos mineros y industriales. Nesta Tercera Edición, los tres museos mineros del Nalón, MUMI, Ecomuséu Valle de Samuño y Pozu Sotón reforzarán la so alianza estratéxica baxo la marca Mines d'Asturies, presentada en FITUR 2018.

Dellos municipios d'estremaes autonomíes con presencia d' industria viva y miembros nacionales de la Ruta Europea de Patrimoniu Industrial (ERIH) tarán presentes na Feria. Casi mediu centenar d' istituciones tendrán participación activa con stands, esposiciones y charres no que ta convirtiéndose na gran cita del patrimoniu industrial n' España.

Ente los conceyos asturianos qu' asisten tan Bimenes, Cangas del Narcea, Castrillón, Cuideru, Degaña, Llangréu, Ibias, Mieres, Sieru,Tinéu, además de Casu, Llaviana, Sobrescobiu y Samartín del Rei Aurelio qu' acuden como Mancomunidá Valle del Nalón.

D' otres rexones, habrá presencia d' istituciones d' Andalucía, Madrí, Castiella y Lleón, País Vascu o Castiella-La Mancha. Tamién ta confirmada la presencia del circuitu de turismu industrial Roteiro das Minas e Pontos de Interesse Mineiro e Geológico de Portugal y los municipios de Vila Pouca de Aguiar, col Complexo Mineiro Romana de Tres Minas, y de Montalegre, col Centro Interpretativo das Minas da Borralha, qu' acompañarán al Museo Minero de Riotinto, el Parque Minero de Almadén, la Fundación Museo de la Minería del País Vasco, el Museo de la Siderurgia y de la Minería de Castiella y Lleón, La Fundación de Ferrocarriles Españoles, el Centro de Interpretación de la Minería de Barruelo de Santullán y el Museo de la Escuela de Minas y Energía de la Universidad Politécnica de Madrid.

Xunto a ellos, otres entidades y organismos asturianos como 'l Principáu d' Asturies, la Facultá de Turismu d' Asturies, el Muséu del Ferrocarril d' Asturies, la Escuela de Inxeniería de Mines, Enerxía y Materiales d' Uviéu, o l' Archivu Hestórico Mineru. Completen la muestra'l Muséu d' Arnao, de Castrillón, y las Covas d' Andía, d' El Franco.

Les actividades de FETUMI desendolcaranse a lo llargo del fin de selmana con propuestes culturales y d' ociu pa toles edaes .

El sábadu 2 de xunu tendrá llugar la inauguración oficial a les 11 la mañana y durante tola xornada podrá visitase'l recintu ferial y disfrutar de les actividaes: visita a los stands, percorríu pola esposición de ferrocarriles y de Seat 600, sesión vermú con música en directu, food trucks, mercadillos artesanales y gastronómicos, circuitu vial infantil, pintacares, hinchables y talleres infantiles, ponencies sobre patrimoniu industrial y turísticu, charra de cine industrial con participación d' actores y directores. Y como peslle del sábadu l' actuación musical de la Orquesta Tekila, que presentará el so espectáculu "Tekila da tira".

El domingu 3 de xunu la xornada de la mañana tará destinada a l' actividá deportiva , la Primera Carrera y Marcha Popular Mines d' Asturies y la edición "zero" de la Xtreme Trail o "Correminas" del Pozu Sotón, primer trail extremu nel mundu que se fadrá enteramente a 550 metros de profundidá nuna mina de carbón y que ye toa una esperiencia nel mundu del trail running. La fiesta deportiva pesllarase con un showcooking del cocineru Cristián González, conocíu polos sos trabayos en TPA, y un espectáculu gastronómicu denomináu "compañeru dame croqueta".

Too ello xunto a degustación de sidra, música y animación en directu a cargu de Rubén Nembra, "El gran demonión", speaker por escelencia de les grandes pruebes del trail running.

Durante la tarde del domingu, además de toles actividaes paraleles del recintu ferial y que completen el programa del certamen, presentaranse los finalistes del II Concursu del Pinchu Mineru, que se fallará pa dempués facer entrega del Premiu Pinchu Mineru 2018.

Nel eventu ta previsto la organización de visites teatralizaes al Centru d' Esperiencies y Memoria de la Minería (CEMM), al Bien d' Interés Cultural del Pozu Sotón y rutes en autobús pol patrimoniu industrial de la comarca.

L'área d'esposiciones alcanza los 3.500 metros cuadraos de superficie mientres que 'l recintu ferial supera los diez mil metros, incluyendo les zones d' aparcamientu. La entrada será de baldre, tola información sobre FETUMI atópase na páxina www.fetumi.es