FETEN 2020
La Maquiné inaugura la ventiava novena edición de FETEN, qu'esplega hasta'l vienres 14 de febreru una programación con 90 compañíes y 17 estrenos.
La formación andaluza abre oficialmente la Feria Europea d'Artes Escéniques pa neños y neñes de Xixón nel Teatru Xovellanos con "Acróbata y Arlequín", un trabayu multidisciplinar inspiráu nes artes circenses.
La programación d'esti domingu ufierta una ventena de representaciones de diversos xéneros y pa toles edaes. Espectáculos de Maduixa, Mamemo, Winged Cranes, Factoría Norte, Charlie Mag, Pistacatro Productora de Soños, Bambolea, Alta Gama, Xampatito Patu y El lado oscuro de las Flores configuren la programación del domingu. Música en directu, títeres y teatru d'actores dan vida a la propuesta inaugural de la Feria Europea d'Artes Escéniques pa neños y neñes.
FETEN 2020 inaugúrase oficialmente esti domingu, 9 de febreru, nel Teatru
Xovellanos a les 18.00 hores col espectáculu "Acróbata y Arlequín", de la compañía andaluza La Maquiné, con esti trabayu inspiráu nel mundu del circu,llánzase un mensaxe sobre la convivencia y el respetu a los animales.