FETEN 2019
Más de 200 representaciones van enllenar los escenarios asturianos ente los próximos díes 16 y 22 de febreru nel marcu d'una nueva Feria Europea d'Artes Escéniques pa Neños y Neñes que, anguaño, tien programao 14 estrenos absolutos.
Los espectáculos de 86 compañíes nacionales ya internacionales dan forma al programa d'una nueva edición de la Feria Europea d'Artes Escéniques pa Neños y Neñes de Xixón, FETEN 2019. Esta nueva edición desendolcarase ente los próximos 17 y 22 de febreru anque, como yá ye habitual, va haber actuaciones previes un día antes, el sábadu 16, al traviés de la so tradicional "Preferia".
Les últimes tendencies en teatru d'oxetos, de títeres, d'actores, circu, danza, música, instalaciones multimedia, teatru de cai o teatru xestual van ser amosaes énte'l públicu xixonés. van facer tamién énte los 700 profesionales que s'acreditaron p'asistir a unu de los escaparates escénicos más importantes y consolidaos non yá n'España, si non tamién fora de les nueses fronteres. De nuevu, la calidá foi primordial na selección de les 86 producciones, escoyíes ente los 841 montaxes presentaos anguaño dende 27 países, cifra que superaba récords frente a otres ediciones.
El Teatru Xovellanos, l'Hospital de Cabueñes, el Centru de Cultura Antiguu Institutu, les places del Institutu y del Seis d'Agostu, el Paséu de Begoña, la cai Corrida, el Colexu Públicu Gaspar Melchor de Xovellanos, los centros municipales integraos Pumarín Xixón-Sur, El Llanu, L' Sable y Atenéu La Calzada, l'Antigua Escuela de Comerciu y el Muséu Nicanor Piñole volverán convertise nos escenarios protagonistes d'esti 28º FETEN. Ellí, les compañíes procedentes d'Alemaña/EEXX, Francia/Israel, Bélxica, Italia, México, Portugal, República Checa, y 16 comunidaes autónomes del nuesu país, van tener la oportunidá de presentar los sos últimos trabayos escénicos, 14 d'elles van facese en calidá d'estrenu absolutu.
Tola información en: