FETEN 2018

Les versiones más tradicionales de cuentos o la lliteratura clásica van convivir en FETEN 2018 xunto coles propuestes de dramaturxa más actuales en Xixón del 18 al 23 de febreru.

La calidá sienta les bases d'una selección que confirma cinco compañíes más que na so edición de 2017. Les 82 compañíes escoyíes vienen d' Arxentina, Bélxica, Francia, Hungría, Inglaterra, Italia, Noruega, Portugal, Uruguai y 15 comunidaes autónomes del nuesu país.

De les más de doscientes representaciones, van ser 9 les que lleven a escena los sos últimos trabayos énte'l públicu espectador en calidá d'estrenos absolutos. Amás, más de 50 de los espectáculos escoyíos son posteriores al 1 de xineru de 2017, polo que se trata d'una programación que contién propuestes de bien recién creación. Trátase de les vasques Marie de Jongh (premiu FETEN 2016 al Meyor Espectáculu por 'Amour') y Gorakada con, respectivamente, 'Estrella' y 'Ulises'; los castellán y lleoneses Teloncillo Teatro y Arawake Theater con 'La Granja' y 'En busca del Fuego'; la madrilana La canica Teatro, con 'Historia de un calcetín'; y la valenciana OtraDanza con 'PI'. Completen l'apartáu d'estrenos la castellanu manchega Ultramarinos de Lucas con 'Soy un niño', la catalana Tukitrek con Mr. Train y la compañía uruguaya Kompania Romanelli con 'Kanek& Di. Un viaje extraordinario'.