Festival Internacional Selmana Máxica de Xixón y Sieru

Xixón y Sieru acueyen el Festival Internacional Selmana Máxica que llega a la so sétima edición y nel que puede disfrutase d' algunos de los meyores magos del momentu, baxo la direción artística de José Armas "El Ilusionista".

Una esbilla de los meyores magos del panorama internacional ufiertará diversión y suaños a mayores y pequeños na Gran Gala Internacional de Maxa, actu central del Festival, onde disfrutarán en directu d' efectos qu'hasta agora namás podíemos ver a traviés les grandes cadenes de televisión . Y además d' esta Gran Gala desendólquense decenes d' espectáculos d' ilusionismu, d'estremaes disciplines y formatos ,nos parques, cais, teatros y places de Xixón y Sieru convirtiéndoles en dos auténtiques ciudaes máxiques.

Les actividades lleguen esti vienres al Teatrru Xovellanos de Xixón col espectáculu d'hipnosis a cargu de Jorge Astyaro, primer premiu de Mentalismu nel Congresu Internacional "El Toque Mágico de Dinoâ celebráu en México D.F.

Jorge Astyaro ta consideráu un de los mayores expertos n'hipnosis del mundu, gracies a la so presencia en teatros de prestixu y cadenes de televisión.