Festival de Danza d’Uviéu 2018
El xueves 15 de marzu entama'l Festival de Danza d'Uviéu 2018 que pesllará les actividaes el 14 de xunu.
El Festival de Danza trai a Uviéu cinco compañíes y seis espectáculos.El programa, entama'l 15 de marzu cola compañía británica de Akram Khan. Trátase nesta ocasión d'una reflexón bien interesante sobre la violencia de xéneru, sol epígrafe "Until the Lions".
El 20 y 21 d'abril va xubir a les tables del Campoamor la compañía de Sara Baras, col espectáculu "Sombres".
El 6 de mayu lleguen a Uviéu los solistes y estrelles de la Ópera de París col repertoriu más ampliu del Ballet de la Ópera de París .
El 15 de mayu ta prevista l'actuación del Ballet del Gran Teatro de Ginebra con una peculiar recreación del mitu de Tristán y Isolda, al cargu de la coreógrafa Joëlle Bouvier.
El Festival de Danza pésllase'l 14 de xunu col Ballet de Monterrey que xubirá a les tables del coliséu uvieín "La Bayadera".