Europa, ente'l Neolliberalismu y l'Europa social ¿Escontra ónde vas, Europa? La UE a cuerpu de barriu

Charra: Europa, ente'l Neolliberalismu y l'Europa social

¿Escontra ónde vas, Europa? La UE a cuerpu de barriu

C.M.I. Atenéu La Calzada. Vienres, día 20 d'ochobre a les 19.30 hores

Esta ye la segunda de les charres programaes dientro de les Xornaes : ¿Escontra ónde vas, Europa? La UE a cuerpu de barriu

Sol títulu: Europa, ente'l Neolliberalismu y l'Europa social intervienen Ovidio Rozada, profesor de Filosofía y activista social, ya Ignacio Blanco, abogáu, economista y activista social de "El Club de los vienres".

Estes Xornaes tán entamaes pola Sociedá Cultural Xixonesa y l'Atenéu Obreru de Xixón, en collaboración cola Fundación Municipal de Cultura nel CMI Atenéu La Calzada, y quieren llevar la reflexón sobro l'actual situación política, económica y social d'Europa .

Al traviés de cuatro charres y alcuentros con espertos y con activistes quier analizase qué pasa n'Europa tres los cambeos que supunxo la crisis financiera y política: el Brexit, l'ascensu de la estrema derecha y la radicalización política, la llegada de refuxaos, el terrorismu...