Estrenu de la Ópera d'Uviéu con Fuenteovejuna

El Teatru Campoamor acueye'l domingu 9 de setiembre a les siete la tarde l'estrenu de la temporada cola representación de Fuenteovejuna, nueva producción de la Ópera d'Uviéu, compuesta por Jorge Muñiz, con llibretu de Javier Almuzara, actividá enmarcada dientro de la programación de la Temporada d'Ópera n'Uviéu.

Representación basada nuna de les obres maestres del Sieglu d'Oru español, la Fuenteovejuna de Lope de Vega, que plantega interrogantes perfectamente trasladables a la nuesa sociedá actual: la fuerza solidario d'una masa social so la represión del poder establecíu y la corrupción.

Ópera en trés actos, cola Orquesta Sinfónica del Principáu d'Asturies y el Coru de la Ópera d'Uviéu.

Les otres representaciones tendrán llugar los díes 11, 13 y 15 de setiembre a les ocho la tarde.