Esti sábadu'l derby d'Asturies

Esti sábadu a partir les seis y cuartu va disputase'l partíu d'Asturies. Un alcuentru que les aficiones esperen con ganes  yá que los dos equipos lleguen con distinta situación na tabla clasificatoria.
El Real Sporting de Xixón ye quintu con 56 puntos y dos derrotes consecutives, mientres el Real Oviedo ta décimu quintu con cinco puntos percima del descensu.  El
Real Oviedo llevóse los tres puntos nos últimos derbys .
El derby disputaráse con bona presencia de xugadores asturianos,nueve per parte sportinguista y siete per parte oviedista. Les alliniaciones daránse minutos antes del partíu.El primer derby asturianu tuvo llugar nel añu 1926, el de la fundación del Real Oviedo como resultáu de la fusión del Real Stadium Club Ovetense y el Real Club Deportivo Oviedo. El 5 d'avientu d'aquel añu disputóse en Xixón un partíu ente los dos equipos correspondiente al Campeonatu Rexonal d'Asturies, que ganó'l Real Sporting por 2-1. Si bien la rivalidá ente'l Sporting y los equipos representativos d'Uviéu empezó nel Campeonatu Rexonal d'Asturies col primer enfrentamientu'l 25 de xineru de 1920, cuando'l Sporting visitó al Deportivu Ovetense, nel campu de Teatinos, terminando l'alcuentru con empate a dos goles
L'últimu derby disputáu en Primera División tuvo llugar n'Uviéu'l 15 de marzu de 1998 y ganólu l'equipu uvieín por 2-1 (Nikíforov en mesma puerta y Dely Valdés pa los uvieinos; Kaiku pa los xixoneses).7 Aquel añu'l Sporting baxó a Segunda División. El Real Oviedo caltúvose na élite del fútbol español otres trés temporaes, siendo la so última campaña na máxima categoría la de 2000-01.