Esta selmana celebramos n'Un llibru al llau'l Día Mundial del Teatru, cola obra El Camín que mos marca

Esta selmana , celebramos el Día Mundial del Teatru n'Un llibru al llau con Xose Ramón Martín Ardines y el llibru El Camín que mos marca.

Esta obra teatru asoleyola la editorial Universos 'l 17 d'avientu de 2010 dempués que se representara en xunetu de 2009 pol Grupu Teatru Refaxu de Blimea  con motivu del Alcuentru Medieval entamáu pola Sociedá Festexos de L'Entregu dientro la coronación del Rei Aurelio 2009.

Ye l'añu 768, , nel conventu de Samiguel de Pedroso en Burgos alcuentren abellugu Munia, viuda del Rei Fruela al qu'acaben de matar, acompañada de los sos fíos Ximena y Alfonso, xunto a Adosinda, hermana de Fruela.

L'argumentu xira en tornu a la venganza d'una de les monxes que ve na familia del rei astur a los autores de les sos desgracies. Los causantes de que tuvieren que facese monxes y abellugase nel conventu, dempués que Fruela I invadiera les sos tierres y matara a los sos pas, too ello mientres nos montes d'Asturies ta coronándose rei a Aurelio.

Consigue un exemplar del llibru El camín que mos marca participando nel sortéu d'Un llibru al llau unviando un corréu antes del vienres 2 d'abril a les 23:50 hores a: alllaudelllar@hotmail.com.

Collabora :  Ayuntamientu de Samartín del Rei Aurelio.