Esposición "La emoción del espaciu" nel Centru Niemeyer
Durante'l mes de xineru puede vese nel Centru Niemeyer la esposición "La emoción del espaciu", que toma como protagonista, una vegada más, a la escultura, una de les belles artes que meyor ye capaz de dialogar col espaciu creáu por Oscar Niemeyer. El llistáu d'autores presentes na esposición ye tan diversu como'l mesmu sieglu XX, ya inclúi artistes de la talla de Pablo Picasso, Julio González, Henry Moore, Joan Miró, Antonio López, Max Ernest, Eduardo Chillida o Martín Chirino.
Les obres presentes na muestra tomen un períodu temporal de 118 años, dende "Cabeza d'esclavu", obra de 1898 de Auguste Rodin, hasta "Small Sound Exercises", obra de 2016 de Bernardí Roig. Al traviés d'esti estensu percorríu temporal el visitante va poder apreciar cómo esti arte evolucionó dende'l figurativismo hasta l'astracción pura.
El llistáu completu d' autores ye: Magdalena Abakanowicz, Andreu Alfaro, Melquiades Álvarez, Jean Anguera,
Eduardo Arroyo, Miquel Barceló, Carmen Calvo, Anthony Caro, Luis
Caruncho, Antoni Clavé, Lynn Chadwick, Eduardo Chillida, Martín Chirino,
Roberto Díez, Óscar Domínguez, Equipo Crónica, Max Ernst, Apel.les
Fenosa, Ángel Ferrant, Pablo Gargallo, Juan Gomila, Julio González,
Manolo Hugué, Xana Kahle, Ernesto Knorr, Carmen Laffón, Henri Laurens,
Jacques Lipchtiz, Baltasar Lobo, Antonio López, Pablo Maojo, Alicia
Martín, Joan Miró, Manuel Hernández Mompó, Henry Moore, José María
Navascués, Edgar Negret, Jorge Oteiza, Pablo Palazuelo, Pablo Picasso,
Man Ray, Auguste Rodin, Bernardí Roig, Amador Rodríguez, Gerardo Rueda,
José Luis Sánchez, Eusebio Sempere, Pablo Serrano, Susana Solano,
Gustavo Torner y Manolo Valdés.
Esta esposición ye posible gracies a la collaboración y xenerosidá de la Fundación Azcona.