Esposición en Porrúa:ASTURIES A LA VISTA Fotografíes de José Vélez (1965-1990)

El Muséu Etnográficu del Oriente d'Asturies en Porrúa (Llanes) acueye dende'l 6 de xunetu hasta'l 26 de setiembre la nueva esposición, empobinada pol Muséu del Pueblu d'Asturies pa la Red de Museos Etnográficos d' Asturies: Asturies a la vista. Fotografíes de José Vélez (1965-1990).

Trátase d'una significativa muestra del inmensu arhuivu fotográficu de José Vélez Abascal (Uviéu, 1931-2012), depositáu pola so viuda y fíes nel Muséu del Pueblu d'Asturies.
La esposición ta formada por una selección de 40 fotografíes, de diversa temática y localización, que tomen dende los años sesenta hasta los noventa del pasáu sieglu. Un conxuntu que muestra, en poques traces, el perfil de l'Asturies del so tiempu, en tola so complexidá (rural, urbana, industrial, de servicios, festiva...). Delles imáxenes fálennos de persones, actividaes, costumes y oficios que l'escurrir del tiempu dexó tras.
Ufiértase con esta esposición un primer aproximamientu a la gran variedá de rexistros del popular fotoperiodista uvieín, que'l so oxetivu apuntó prioritariamente a los fechos noticiosos que demandaba'l so oficiu de redactor gráficu pa distintos medios (actualidá, política, deportes, eventos sociales, festivos, accidentes...) pero que tamién s'afitó n'otros, de calter humanu o social, que dexen constancia de la so agudez y sensibilidá para rexistrar imáxenes memorables.